जपत किनारा शीड सोडणे - नामंजूर! |
अन वार्याची वाट पहाणे - नामंजूर! |
मी ठरवावी दिशा वाहत्या पाण्याची |
येईल त्या लाटेवर डुलणे - नामंजूर! |
मला ऋतुंची साथ नको अन् कौल नको |
मला कोठल्या शुभशकुनांची झूल नको |
मुहुर्त माझा तोच ज्याक्षणी हो इच्छा |
वेळ पाहुनि खेळ मांडणे - नामंजूर! |
माझ्याहाती विनाश माझा! कारण मी! |
मोहासाठी देह ठेवतो तारण मी! |
सुंदरतेवर होवो जगणे चक्काचूर |
मज अब्रूचे थिटे बहाणे - नामंजूर! |
रुसवे - फ़ुगवे... भांडणतंटे... लाख कळा |
आपला - तुपला हिशेब आहे हा सगळा |
रोख पावती इथेच द्यावी अन् घ्यावी |
गगनाशी नेणे गार्हाणे - नामंजूर! |
नीती, तत्वे... फ़सवी गणिते! दूर बरी! |
रक्तातील आदिम जिण्याची ओढ खरी! |
जगण्यासाठी रक्त वहाणे मज समजे, |
पण रक्ताचा गर्व वाहणे - नामंजूर! |
एक प्रयत्न आहे, की अपनास कविता, यस एम् यस, लेख, आणखी इतर बाबी एकाच ठिकाणी देने, यावर आपली प्रतिक्रिया, सूचना असतील तर कृपया द्यावे, त्याचे स्वागत असेल ...
हव ते शोधा
Custom Search
Wednesday, May 26, 2010
नामंजूर
Subscribe to:
Post Comments (Atom)
No comments:
Post a Comment